九州 ~大分縣 ~日田市 ~ 小鹿田焼の里 ~ 龍門の滝 ~ 大分市 ~ 久住花公園 ~ 九州自然動物公園 ~ 湯布院

DAY 1 

香港 - 福岡機場 - 日田市(豆田町) - 日田市(三隈川) 

落機到福岡機場大堂就到TIMES取車，立即展開自駕之旅。

由福岡機場前往日田市需時約1小時車程，用GPS可按入以下電話0973-22-3957到豆田西駐車場。日田市內的豆田町老街有小京都之稱，完整保留江戶時代所建的傳統老街，有傳統的和果屋、白壁土藏的建築，彷彿進入咗時光隧道一樣。

建議在這裡逗留2~3小時，細味每個角街

咖啡談議所 嶋屋位於大分縣日田市豆田町10-8，由150前的商店改建而成的茶坊，留有皇室領地的痕跡，瀰漫悠久氣氛的豆田町。一邊享受悠閒舒適的日式風情，一邊放輕地享受美好的咖啡時間。

九州因地理及氣候環境造就出純淨天然水質,因此自古便是釀酒勝地,薫長酒造位於大分県日田市豆田町6-31 ，是在江戶時代建造的酒倉，為收藏日本酒的歷史與製法的資料館，也備有咖啡店・畫廊，藏元店內有販賣限定商品！有無看到酒倉前有個草球，如果有新酒上市就會掛一個新鮮綠色既草波波，到時記住去睇下新貨啊！

​

創業於明治二十四年的赤司日田羊羹，位於大分県日田市豆田町8-15，喜歡羊羹既話一定要黎試試

​

日田是日本較早時在江戶時代已經開始女兒節活動＜天領雛御殿＞內約有3,000人偶展示，除女兒節人偶，還有約250年前的武士甲冑、博多山笠等展品。

地址：大分県日田市豆田町13-6

http://hitasyouyu.com/store.html

無論真文青或偽文青，唔捨得咁快離開日田市豆田町的話，可以係呢間創業於明治3年(1870年)木造建築既酒店沾沾更多文氣

​

伯亭 若の屋　

​1名様/1室料金¥16,000起(税込)

〒877-0005大分県日田市豆田町7-31TEL：0973-24-3737

今晚粒粒玲子住隈地區既旅館，旅館街道後面既河流三隈川有屋形船，記住住呢度要選擇有~鵜飼+屋形船+朝夕食+温泉+和屋就大滿足喇！客人更可無料穿著浴衣

​

小京都の湯 みくまホテル Hita city Hotel Mikuma

2名様/鵜飼+屋形船+朝夕食+温泉+和屋+浴衣+wifi+泊車 料金￥25,920起(税込)

〒877-0044大分県日田市隈1丁目3-19電話：0973-23-3000

酒店後面就是三隈川，客人大約6:50pm在酒店大堂集合後就一同登船享受晚餐

晚宴是當地日田既特產，有烤香魚及多道菜式的懷石料理，原本美景加美食已很滿足，估不到之後還有下面既節目安排

​

在屋形船晚飯期間，看到有400年歷史既鸕鶿捕魚絶技（日語稱鵜飼Ukai），啲鵜真係好乖乖又可愛。如果想欣賞埋煙花，記住在7~8月份既星期五或六晚先能看到啊~

DAY 2

​日田本野木屐 - 大はら茶屋 - 小鹿田焼の里 - 龍門の滝／竜門温泉 - 大分市

大分縣日田市係日本木屐三大產地之一，Motono店自1948年承傳木屐傳統工藝至今，該店既木屐係使用當地特產樹齢50年以上杉樹製作，喜歡杉樹既淡淡清香，漂亮木紋，柔軟の日田杉穿係腳上非常舒服。

​

本野はきもの工業 Motono footwear Industry

〒877-0036 日田市三芳小渕町1080-3

電話：0973-22-4460

http://www.hita-geta.com/

不喜愛飲酒的粒粒玲子，唯獨喜愛日本威士忌，响日本好難得見到咁多支有年份既「響」、「白州」，而又唔洗捱炒價係正價，呢間酒店只收現金啊~

​

大塚酒店

大分県日田市中央1-5-12

電話:0973-22-2470

長達300年歷史既日田祇園祭於每年7月中旬舉行，巨大豪華既祭神彩車重達4噸，出巡隊伍會在豆田鄉鎮街道抬著彩車遊行，幫忙驅除病疫或風災水災,並祈求國泰平安。

​

日田市的大原茶屋是建築於林野中既傳統特色茶屋，最喜歡屋內既落地大窗，室內感覺非常舒服，如果呢度係一間CAFE相信坐一個下午也不願走，但呢度只售賣一種餐點，就係「竹籃便當」，籃內有將近十多種食材，野菜為當天早上現採，供應數量有限，「竹籃便當」每位收費¥2,500，建議先行電話預約。

大はら茶屋 大原茶屋

〒877大分県日田市田島2-656-6

電話：0973-24-7577

営業時間 11:15~16:00

小鹿田焼の里(陶藝村)被指定為日本重要無形文化財產，小鹿田窯燒約300年前開窯,現在依然保有昔日講究的手工藝,師傅一律不使用機器，以傳統手藝代代傳承至今。

​

〒877-1121　大分県日田市源栄町皿山

到達小鹿田焼の里時，河川流水，師傅純熟既手藝，被當地環境氣氛感染，頓時覺得自己變成為偽文青，而現場亦有已制成陶瓷售賣。

夏日炎炎黎呢個天然水上樂園就最正，無論大人小朋友都係呢度玩水上滑梯

龍門の滝／竜門温泉

〒879-4632　大分県玖珠郡九重町大字松木電話: 0973-76-3150

ryumon.travel-way.net/

呢度無收入場費，亦無救生員，所以要自己注要安全，如有需要，有士多提供租借毛巾，水泡及安全帽等設備，如小朋友怕玩水上滑梯亦可以係旁邊既溪池玩啊，而現場亦有營屋出租及草地可供使用，好多當地日本人都响呢度野餐玩水。

是晚住响大分市，酒店位於JR大分站旁邊，起初以為賣點係住市中心可以Shopping，但原來酒店溫泉才是主打。酒店溫泉位於80米高頂層，2人房價約￥11,500起，價錢已包含每位￥1,500「SPA天空」溫泉費用，計起來其實都幾超值。

粒粒好滿意呢間酒店，因為呢度好新好時尚，由8/F - 21/F都係酒店，房間景觀會飽覽整個大分市。最頂層係有室內及露天溫泉，粒粒玲子專誠早D瞓，較鬧鐘0545hrs​起床，0600hrs成為第一個享受晨曦露天溫泉既人。

​

ＪＲ九州ホテルブラッサム大分 JR KYUSHU HOTELS Blossom

地址: 大分県大分市要町1-14

電話: 097-578-8719

http://www.jrk-hotels.co.jp/zhtw/Oita/

​

DAY 3 

くじゅう花公園 (久住花公園) Kujūhana Park  - 九州自然動物公園 African Safari  - Aquarium sea egg

粒粒玲子一向喜歡有花海既地方

〒878-0201 大分県竹田市久住町大字久住4050

電話: 0974-76-1422

http://www.hanakoen.com/

呢個花園位於山上，面積都算大，入到去既感覺非常舒服開揚。除此之外，仲有好多手信可以買，大部分都係食得既野，粒粒玲子就買咗一抽超抵食新鮮巨峰提子(如兵兵球大)在自駕路途上慢慢嘆！不過要留意呢度店舖好多無得使用信用卡，只收現金。

起初以為只是一般的動物園，但來到之後原來可以自駕進入公園睇動物，感到好鬼興奮。入園買票時可以選擇3款語言(日、英、普通話)既導航DVD機，協助你了解園內動物。當然，若不選擇自駕入圜，可乘坐公園巴士入內近距離睇動物，更可餵飼佢地，不過收費會貴d啊。 不過要緊記自駕入園時，切勿下車，切勿餵飼動物，關好車窗及鎖好車門。

​

九州自然動物公園

African Safari 大分県宇佐市安心院町南畑2-1755-1 〒872-0722電話：0978(48)2331

其實自駕入園都無需擔心，因為若果有動物行近或騷擾遊客車輛時，會有工作人員在場協助。公園除了有大型動物區外，還有小型動物區、餐廳，足夠玩足1日呀。

去完動物園後，粒粒玲子就駕車去別府喇。之後就去食LUNCH，因為呢間意大利餐廳幾隱蔽架，就在柳屋旅館旁邊。

​

Otto e sette(柳屋)

'Kannawa Onsen'IDA 2,

〒874-0043大分県別府市鉄輪井田2組 鉄輪銀座通り

電話: 0977-66-4411 / 977-66-4415

呢度係屬意大利菜，配新派煮法，食材又新鮮，以LUNCH 一個套餐計，頭盤(意大利粉)+主菜(魚/雞肉)+甜品(雪榚)+餐茶，粒粒玲子就認為抵食，若果要食DINNER既話，價錢就相對地貴番D喇，可以參考佢地網址。

​

Lunch之後就黎到海洋館，都係以為一般既海洋館，但有不同之處，呢度可以近距離親親海洋動物架，圖中既海豚與人玩緊係真架，海豚在水中頂個波出去，撩人同佢玩，當有人拋番個波俾佢，佢會一口咬住，氹得全場都好開心。

​

Aquarium sea egg 大分マリーンパレス水族館うみたまご

〒870-0802 大分県大分市大字神崎字ウト3078−22

電話: 097-534-1010

営業時間 AM9:00~PM6:00

呢度有一個人工沙灘，可以俾人親親海豚架，不過遊客們要自律啊，唔好餵飼及傷害佢地。

來到最後一晚，玲子就非常喜歡呢間旅館，原因係旅館貼近沙灘，房間有一個大窗，望到沙灘大海，係玲子夢寐以求退休既住屋，頂層亦有一個小型露天溫泉。

​

悠彩之宿 望海 (別府市)

〒874-0920 大分県別府市北浜3-8-7電話: 0977-22-1241

http://www.bokai.jp/

粒粒玲子見天色還早，所以去附近行吓，呢度一帶都有2-3個小型MALL，有超級市場。行完街之後，就返旅館享受一頓超豐富既晚餐，飽到暈呢。 第2朝早上望住咁靚既景色食早餐，真是賞心樂事。

DAY 4 

​湯布院

湯布院是由布溫泉+湯平溫泉既總稱，湯之坪街道坐落在由布岳既山腳下，一出JR就見街道兩旁有好多餐廳及特產店林立，遊客可在JR車站旁即日預訂馬車優雅地欣賞自然風光。湯布院係一個好舒適優閒既溫泉區，粒粒玲子已計劃要再來欣賞秋冬之美，沉浸於這裡別樹一格既氛圍。

由布院有好多特色店舖，有玲子最喜歡以貓為主題既商店；

日本筷子除有日本特色外，還可做一個獨一無二既禮物，因為店內有提供以3分鐘便可完成刻名既服務啊！

呢間SNOOPY CHA-YA史奴比茶屋吸引好多海外FANS，因為呢度既商品同其他店唔同，充滿日本風情架~

由JR由布院站步行約 20 分鐘就可到大分県由布市湯布院町川上的「金鱗湖」。點先可以睇到金鱗湖最美既一面？於黃昏日落夕陽照射到湖中既魚鱗時，就會映出耀眼金色既光芒。又或者在秋冬可以欣賞紅葉之餘，更能看到由湖底湧出既溫泉散發晨霧般既蒸氣。

山椒郎

〒879-5102大分県由布市湯布院町川上田中2850-1電話: 0977-84-5315

https://www.facebook.com/sansyourou

​

山椒郎招牌午餐就係限定既色彩鮮艷蔬菜套餐什錦盒，據說都是產自湯布院，為了呈現食物既原始味道及保持食物既鮮艷，每種蔬菜都用不同既烹調方式，健康又美麗，除了蔬菜，餐盒內也可選配上豐後牛彧當地魚生，只需約￥2,000起就可以欣賞到喇！