北海道

DAY 1 - DAY2

香港 - 札幌 - 函館 - 小樽

粒粒玲子太耐無出國，好想飛遠點，係2012年6月13日晚既國泰網頁，試哂可以換倒機票既國家，最後結果就只有日本北海道，遲啲出發都無位，所以即晚confirm後就用3日時間plan一個從來無plan過既北海道，不過慶幸既係粒粒玲子於十年前既冬天已到訪過北海道，所以好多名勝可以skip，只去一啲特別感興趣既地方。6月17日早上好早出發到北海道札幌新千歲機場，落機後第一件事就係要乘搭Shuttle Bus去攞車。

一切攪掂哂就出發去函館山，最後用咗3個鐘頭落到去函館，到函館山時已經8:30pm，原來函館山夜晚係唔比車上，只有日間時間先可以揸車上，所以決定第二朝睇日頭景喇

先介紹一下今晚既住宿，係https://www.japanican.com訂咗海鷗海濱飯店，同JR函館站距離步行20分鐘，一入大堂就有wifi，海景雙人房+免費上網+免費泊車+包埋早餐，盛為8,200円 

無自駕既話可乘搭ROPEWAY上函館山。函館最出名當然係夜景啦，但日景都唔錯架。

西波止場位於函館海旁，有餐廳、禮品店、海鮮市場等等，果日去到見倒啲著哂校服既日本小朋友，幾盒幾盒咁買好多手信，相信西波止場係函館都幾出名啊~

西波止場

地址：北海道函館市末広町14−17

電話：0138-26-6161

由函館揸3個鍾頭車就到小樽，先遊小樽最出名既景點 ~ 小樽運河 ~運河附近行吓都好舒服。

是日住呢間大公園小樽酒店 (Grand Park Otaru Hotel) http://www.agoda.com.hk 訂既，價錢好低，大約HK$800點知去到時，呢個Agoda網明明話係訂咗double room，but張hotel voucher只列明1人，所以只收咗1人錢，check in時要加多一個人錢，好在只要加多約HK$100，另再加泊車費HK$100，雙人房+免費上網+泊車(無早餐) = HK$1000，以呢間酒店咁高水準黎計，呢個價錢好平啊呢間酒店重有一個非常正既優點，就係間酒店位於小樽海旁既WING BAY OUTLET http://www.wingbay-otaru.co.jp/如果想去可以係GPS入以下資料Grand Park Otaru 11-3 Chikko, Otaru, HokkaidoJapan 047-0008Tel: (81) 134 21 3111

​

DAY 3 - DAY4

富良野 - 旭川 - 網走 - 知床

夏天遊北海道一定要到富良野既富田農場地址：中富良野町北星電話：0167-39-3939http://www.farm-tomita.co.jp/tw/index.html富良野觀光網站~薰衣草開花情報http://www.furanotourism.com/cn/bigkey/flower/lavender_kaika.php薰衣草未係季節，仲係屬於BB草

層雲峽有獨特既峭壁峽谷，附近有溫泉街，不過可能冬季已過，溫泉街有點靜，如果秋天去的話，可以睇到遍山紅葉樹叢，有興趣可以到層雲峽旅遊中心參觀有關觀光路線粒粒玲子遊了其中一條觀光路線`~ 銀河之滝 ~

層雲峽旅遊中心

地址：上川郡上川町字層雲峽

電話：0165894400

遊完層雲峽就直奔到網走食回轉壽司，店內屬舊式格局，呢間店啲材料非常新鮮，價錢合宜。

地址：網走市新町3-4

電話：0152-43-8383

每年5月中至6月中芝櫻公園都會變成一遍芝櫻花海，出發前玲子做好reserach，諗住咁難得6月中出發，可以一暏芝櫻花海既風彩，可惜當局6月12日已經收哂啲花粒粒玲子6月20日去到咩都無，只有隻牛牛。不過係回程去知床酒店途中，粒粒玲子經過一間乳酪館，食咗杯粒粒話係佢人生食過最好味既芝士雪糕。地址：日本北海道網走郡大空町東藻琴末広393

電話：0152663111http://www.shibazakura.net/

知床國家公園位於北海道東側既知床半島，係日本境內最美麗、最原始的國家公園之一。知床半島有多種野生動物（如棕熊、野鹿和狐貍），於2005年7月，由於知床半島上既生態系統及生物多樣性有著不可取代既重要性，而被列為聯合國教科文組織世界遺產。途中遇見野生既小鹿斑比。

​是日住呢間知床國立公園羅臼溫泉鄉羅臼第壹飯店-Rausu Daiichi Hotel係咁多晚係北海道最貴既一晚，亦係玲子最喜歡既一晚，因為呢間酒店有好多好靚既陶瓷擺設，感覺自己身處於森林之中雙人房+ 溫泉+上網+FREE PARKING+晚餐+早餐 = 20,000円。去得山旮旯既地方，就知道Dinner要於酒店入面食埋。

北海道目梨邵羅臼町湯之澤1電話：0153872259

DAY 5- DAY 7

阿寒湖 - 帶廣 - 札幌

食過豐富既早餐，精神奕奕出發去，於遊北海道既旅程中，成日都見倒緑色打扮既公仔，呢啲公仔既由來就係黎自阿寒，阿寒地區最有名氣既係緑球藻。阿寒湖除咗有溫泉，亦有好多不同造型既木雕。响出發去下個景點時隨手係附近入間餐廳就食LUNCH，呢間餐廳真係唔記得咩名，玲子問店主有無英文MENU時，店主話無，不過就有中文MENU，SO GOOD喜歡北海道，隨意去一間餐廳食咩都係好好好食架!!!!

​

食飽飽要離開阿寒，一出HIGHWAY見倒隻狐狸，口中已有獵物，但當粒粒殊佢時，一啲都唔怕人，好似小狗咁慢慢行過黎討吃，好可愛啊~~~

見完鹿仔同狐狸，滿載而歸地出發去帶廣，今次住呢間咁啱又係DORMY INN，雙人房+溫泉+泊車+WIFI+送你一碗消夜拉麵 = 13,000円，後尾發覺DORMY原來有好多分店，位置多數係JR附近，房間乾淨，設備足夠。CHECK IN後諗住去逛下超級市場，睇下有無只有5-6月出產既夕張蜜瓜賣，最終決定買野返酒店食喇，買咗咁多野，個密瓜要1,580円，其他野夾埋只係1,125円。

由帶廣直踩到札榥，首先唔係去酒店，而係去MITSUI OUTLET PARK，呢個OUTLET同機場OUTLET賣既野大致相同，所以去機場果個大啲會開心啲。地址: 北海道北广岛市大曲幸町3丁目7-6電話: 011-377-3200http://www.31op.com/sapporo/foreign/index_ch.html

​

遊完OUTLET PARK就立刻返札幌食CRAB，食LUNCH同晚餐既分別係LUNCH少幾度菜，所以價錢會平啲，有興趣可到以下網址瀏覽 http://www.kani-honke.jp/c1/menu/lunch.html 。粒粒點咗日高(HIDAKA)有9道菜=3,780円，玲子點咗枝幸(ESASHI)都係9道菜=2,940円，以呢道既服務，環境及食物質數，真係物超所值。

地址: 〒060-0003 札幌市中央区北三条西二丁目1-18

電話: 81-11-222-0018

營業時間: 11:30～22:00

除此之外，如果想行去札榥市既狸小路大約20 - 30分鐘。

​

第二朝一早CHECK OUT去遊客必到既RERA OUTLET，可惜呢度既價錢比起歐洲貴好多，但如果你喜歡買日本牌子既衫，應該都有啲收穫。除新千歲機場都係一個好值得花2至3個鐘遊既地方，呢度有好多個小朋友喜歡既主題館同餐廳呢度好多特產手信買架，可以俾大家最後衝刺。地址: 〒066-8765 北海道千歲市柏台南1丁目2-1電話: +81-123-42-3000http://www.outlet-rera.com/chinese_fan/